Աչքերի գանգատը
Ջաննի Ռոդարի
Գիտե՞ք, որ աչքերն էլ են գանգատվում: Չե՞ք հավատում: Մի անգամ իմ բախտը բերեց, ես կարողացա լսել, թե ինչպես են նրանք բողոքում: _ Ոչ ոք չգիտի,-տրտնջում էին նրանք,-թե ի՜նչ մեղք ենք մենք, խեղճ ենք մենք: Արդեն մի քանի դար է՝ մեր կյանքն անտանելի է: Մենք միշտ տեսնում էինք, որ Արեգակը պտտվում է Երկրի շուրջը: Բայց հայտնվեցին Կոպերնիկոսն ու Գալիլեյը և ապացուցեցին, որ ես սխալվում եմ, ամեն ինչ հակառակն է՝ Երկի՛րն է պտտվում Արեգակի շուրջը:
Նայում էինք ջրի մեջ և տեսնում, որ նա մաքուր է ու թափանցիկ: Բայց հայտնվեց մի հոլանդացի Լևենգուկ, մանրադիտակ ստեղծեց և պարզվեց, որ մի կաթիլ ջրում ավելի շատ կենդանի էակ կա, քան ամենամեծ գազանանոցում: Հիմա էլ, տե՛ս, գիշերը նայում ենք երկնքին, ա՜յ այնտեղ՝ վերև: Երկինքը սև է, ինչպես կասկածներն են լինում: Ամեն ինչ մեզ համար պարզ է, ախր մենք հրաշալի ենք տեսնում: Բայց դուրս է գալիս, որ մենք էլի սխալվում ենք: Մեզ մոտեցնում են աստղադիտակին, որն ուղղված է դեպի երկինք: Դե երկինք է էլի՝ իր լուսնով, աստղերով: Ու հանկարծ մենք տեսնում ենք, որ այնտեղ միլիոնավոր աստղեր կան: Այնպես որ՝ հիմա ուզենք թե չուզենք, ապացուցված է, որ մենք ամեն ինչ սխալ ենք տեսնում: Երևի լավ կլինի, որ մենք անցնենք թոշակի: _ Կեցցե՛ք: Բայց առանց աչքերի ո՞վ է դիտելու մանրադիտակներով, աստղացաույցերով:
Հարցեր և առաջադրանքներ
1. Դուրս գրի՛ր անհասկանալի բառերը, բացատրի՛ր բառարանի օգնությամբ:
Անհասկանալի բառ չկար:
2. Քո կարծիքով՝ քո աչքերն ինչի՞ց կբողոքեն:
Հերիք է գնաս դուրս, ամեն օր նույն տեսարանն ենք տեսնում, իսկ ես նրանց չեմ լսում: Արդեն աչքերիս ուղարկելու եմ թոշակի, նոր աչքեր բերեմ:
3. Իսկ ի՞նչն է ամենագեղեցիկ բանը, որ տեսել են քո աչքերը երբևէ:
Իբրահիմովիչի մկրատաձև գոլը:
4. Աչքերիդ անունից քո մեկ օրվա մասին պատմի՛ր:
Զարթնեցի, կերա, գնացի դուրս, ֆուտբոլ խաղացի, հեռախոս խաղացի, հեծանիվ քշեցի, եկա տուն, քնեցի:
Էդիտ Պրինտ
Տարօրինակ հարցեր
Կար-չկար մի տղա, որն ամբողջ օրը սրան-նրան ձանձրացնում էր իր հարցերով: Հարցեր տալն, իհարկե, վատ բան չէ, ընդհակառակը, հարցասիրությունը գովելի է, բայց վատն այն էր, որ այդ տղայի հարցերին ոչ ոք չէր կարողանում պատասխանել:
Ասենք, գալիս էր ու հարցնում.
_ Ինչո՞ւ դարակները սեղան ունեն:
Մարդիկ զարմանքից աչքերը չռում էին, կամ էլ հենց այնպես պատասխանում. _ Դարակները նրա համար են, որ նրանց մեջ որևէ բան դնեն, օրինակ՝ սպասք, դանակ, պատառաքաղ և այլն:
_ Ես գիտեմ՝ ինչի համար են դարակները, բայց ինչո՞ւ դարակները սեղան ունեն: Մարդիկ թոթվում* էին ուսերը և հեռանում:
Մի ուրիշ անգամ նա հարցնում էր.
_ Ինչո՞ւ պոչը ձուկ ունի:
Կամ թե՝
_ Ինչո՞ւ բեղերը կատու ունեն:
Տղան մեծանում էր, բայց շարունակում էր ինչուիկ մնալ, և այն էլ՝ ոչ թե սովորական, այլ՝ թարս ինչուիկ: Մեծանալուց հետո էլ նա դիմում էր բոլորին զանազան* հարցերով: Պարզ է, որ ոչ ոք չէր կարող պատասխանել նրա հարցերին: Բոլորովին հուսահատվելով՝ թարս Ինչուիկը տեղափոխվեց մի սարի գագաթ, իր համար խրճիթ շինեց և այնտեղ հնարում էր նոր-նոր հարցեր: Հնարում էր, գրում տետրի մեջ, իսկ հետո շատ էր չարչարվում,
որ գտնի դրանց պատասխանները: Ամբողջ կյանքում նա այդպես էլ երբեք չգտավ իր հարցերի պատասխանները: Եվ ինչպե՞ս գտներ, եթե նրա տետրում գրված էր. «Ինչո՞ւ ստվերը բարդի ունի: Ինչո՞ւ ամպերը նամակ չեն գրում: Ինչո՞ւ նամականիշները գարեջուր չեն խմում»:
Աստիճանաբար նրա մորուքն աճեց, մի երկա՜ր մորուք դարձավ: Հարցասերը չէր էլ մտածում այն սափրել. դրա փոխարեն նա նոր հարց էր հորինում. «Ինչո՞ւ մորուքը դեմք ունի»:
Երբ նա մահացավ, մի գիտնական ուսումնասիրեց նրա կյանքը և զարմանալի հայտնագործություն կատարեց. պարզվեց, որ այդ Ինչուիկը սովոր էր գուլպաները թարսերես հագնել և այդպես էլ հագնում էր իր ողջ կյանքում: Հենց այդ պատճառով էլ մինչև վերջ չսովորեց ճիշտ հարցեր տալ: Հապա նայիր քո գուլպաներին, ճի՞շտ ես հագել:
Հարցեր և առաջադրանքներ
1. Նշված բառերն առանձնացրո՛ւ և բացատրական բառարանի օգնությամբ բացատրի՛ր:
թոթվում – ուսերը թափ տալ
զանազան – պես-պես
խրճիթ – խղճուկ տուն
2. Քո կարծիքով ինչո՞ւ էր Ինչուիկը տարօրինակ հարցեր տալիս:
Որովհետև գուլպաները թարս էր հագնում;
3. Քեզ համար ի՞նչն է ձանձրալի:
Երբ գնում եմ հյուր ու մեծերը նստում են սեղան, երեխա չկա ու խաղալիք չկա։
4. Փորձի՛ր պատասխանել Ինչուիկի հորինած հարցերին:
ա. – Ինչո՞ւ դարակները սեղան ունեն:
– Որովհետև դարակները փոքր են, իսկ սեղանները՝ մեծ։
բ. – Ինչո՞ւ ձուկը պոչ ունի:
– Որ լավ լողա։
գ. – Ինչո՞ւ բեղերը կատու ունեն:
Որովհետև իրենց դրել են ուժեղի տեղ։
դ. – Ինչո՞ւ ամպերը նամակ չեն գրում:
Որովհետև կենդանի չեն։
ե. – Ինչո՞ւ մորուքը դեմք ունի:
Որ աճի։
5. Տեքստից դուրս գրի՛ր բարդ բառեր և օգտագործելով նրա մասերը՝ նոր բառեր կազմի՛ր:
Հարցասիրություն – հարցուփորձ, սիրահարված։
Պատառաքաղ – պատառոտել, ծաղկաքաղ։
Նամականիշ – նամականի, նշատետր։
6. Դուրս գրիր ինչպիսի՞ հարցին պատասխանող բառերը:
թարս, զարմանալի, ճիշտ
7. Առանձնացրո՛ւ ի՞նչ հարցին պատասխանող բառեր և բառակապակցություններ կազմի՛ր:
Օրինակ՝ կատու – սև կատու
դանակ- սուր դանակ
պատառաքաղ- սպիտակ պատառաքաղ
հարց- հետաքրքիր հարց
My friends Van and Levon
Թարս հարցեր
Ինչու՞ էկրանը ունի համակարգիչ:
Ինչու՞ է ելակը մարդ ուտում։
Ինչու՞ է ձուն հավ տալիս:
Ինչու՞ է բուրդը գառ տալիս:
Ինչու՞ է կաթը կով տալիս:
Ինչու՞ դասարանը դպրոց ունի:
Ինչու՞ տառը բառ ունի:
Ինչու՞ բառը բառակապակցություն ունի:
Ինչու՞ բառակապակցությունը նախադասություն ունի:
Ինչու՞ նախադասությունը պատմություն ունի:
Ինչու՞ պատմությունը գիրք ունի:
Ինչու՞ դուռը դասարան ունի:
Ինչու՞ պայուսակը մարդ ունի:
Ինչու՞ թուղթը գիրք ունի:
Ինչու՞ ծիրանը ծիրանենի ունի:
Ինչու՞ ճյուղը ծառ ունի:
Ինչու՞ աչքը մարդ ունի:
Ինչու՞ քիթը մարդ ունի:
Ինչու՞ ականջը մարդ ունի:
Ինչու՞ ձեռքը մարդ ունի:
Հիշողություն
Ծիծեռնակը բույն էր շինում,
Ե՛վ շինում էր , և՛ երգում,
Ամեն մի շյուղ կպցնելիս՝
Առաջվա բույնն էր հիշում:
Մեկ անգամ էր նա բույն շինել
Եվ շատ անգամ կարկատել,
Բայց այս անգամ վերադարձին
Բույնն ավերակ էր գտել:
Այժմ նորից բույն էր շինում,
Ե՛վ շինում էր , և՛ երգում,
Ամեն մի շյուղ կպցնելիս՝
Առաջվա բույնն էր հիշում:
Նա հիշում էր անցած տարին
Իր սնուցած ձագերին,
Որոնց ճամփին հափշտակեց
Արյունարբու թշնամին:
Բայց նա կրկին բույն էր շինում,
Ե՛վ շինում էր, և՛ երգում,
Ամեն մի շյուղ կպցնելիս՝
Առաջվա բույնն էր հիշում:
Հարցեր և առաջադրանքներ
1. Ծիծեռնակն ի՞նչ էր անում:
Բույն էր շինում;
2. Ինչպիսի՞ն էր ծիծեռնակը:
Ուրախ ու խաղաղ
3. Առանձնացրո՛ւ բանաստեղծության քեզ համար ամենասիրելի քառատողն ու վերնագրի՛ր:
Սարսափ տարին
Նա հիշում էր անցած տարին
Իր սնուցած ձագերին,
Որոնց ճամփին հափշտակեց
Արյունարբու թշնամին:
4. Նշված բառերն առանձնացրո՛ւ և հոմանիշ (իմաստով մոտ) բառեր գրի՛ր:
Օրինակ՝ կպցնել-ամրացնել
շինել- սարքել
ավերակ- քանդած
սնուցել- կերակրել
հափշտակել- գողանալ
կրկին- նորից
5. Բանաստեղծությունից դուրս գրի՛ր և սյունակներում առանձնացրո՛ւ համապատասխան հարցերին պատասխանող բառեր:
Ի՞նչ | Ի՞նչ էր անում |
բույն | կպցնել |
շյուղ | սնուցել |
ձագ | կարկատել |
թշնամի | երգել |
տարի | հիշել |
6. Շարունակի՛ր հորինել՝ փակագծերի հարցերը փոխարինելով համապատասխան բառերով:
Դանդաղ ծիծեռնակ
Կար-չկար մի սիրուն ծիծեռնակ կար: Նա շատ էր սիրում գործ անել: Մի անգամ նա որոշեց նոր մոլորակ ստեղծել և գնաց տիեզերք իր մոլորակը ստեղծելու։ Նա երազում էր, որ իր մոլորակում մենակ ինքը լինի։ Եվ նա չկարողացավ ստեղծել իր մոլորակը և գնաց նորից իր բույնը։ Ու սկսեց սովորական կյանք: