Կես ձին
Պատերազմում, իհարկե, իմ քաջությամբ աչքի ընկա և թշնամու վրա հարձակվելիս ամենից առաջ ես էի գնում:
Մի անգամ տաճիկների հետ կատաղի կռիվ ունենալուց հետո, մենք գրավեցինք թշնամու բերդը: Ես առաջինը մտա այդ բերդը և, դուրս քաշելով բոլոր տաճիկներին, փրփրած ձիս քշեցի դեպի աղբյուրը՝ ջուր տալու: Ձին ջուրը խմում էր և ոչ մի կերպ չէր կարողանում իր ծարավը հագեցնել: Անցավ մի քանի ժամ, բայց ձին աղբյուրից չի կտրվում: Սա ի՞նչ հրաշք է: Ես ապշեցի: Բայց հանկարծ իմ հետևից ջրի արտասովոր ձայն լսեցի:
Ես նայեցի և զարմանքից քիչ մնաց, որ ձիուց ընկնեմ:
Բանից դուրս եկավ, որ ձիուս հետևի մասը կտրված է և ջուրը, որ խմում էր, ազատ կերպով ետևից թափվում է՝ փորումը չի մնում: Այդ պատճառով ետևիս մի մեծ լիճ էր գոյացել:
Ես ապշեցի: Ինչ տարօրինակ բան է:
Բայց այդ ժամանակ զինվորներիցս մեկը մոտեցավ ինձ և հանելուկը պարզեց:
Երբ ես հետևելիս եմ եղել թշնամիներին և բերդն եմ մտել, տաճիկները հենց այդ վայրկյանին բերդի դուռը փակել են և ձիուս կեսը կտրել: Կարծես կես են արել: Ետևի մասը միաժամանակ մնացել է դարպասի մոտ, աքացիներով ցրել տաճիկներին, հետո վազել մոտիկ դաշտը:
-Նա այնտեղ արածում է, – հայտնեց զինվորս:
-Արածում է: Չի կարող պատահել:
-Ինքներդ տեսեք:
Ես, ձիուս առաջին կեսի վրա նստած, սլացա դեպի դաշտը: Այնտեղ ես իսկապես տեսա ձիուս երկրորդ մասը: Նա կանաչ դաշտում հանգիստ արածում էր:
Ուղարկեցի զինվորական բժշկի ետևից և նա, երկար չմտածելով, դափնու բարակ ճյուղերով ձիուս կեսերը կարեց իրար, որովհետև թել չուներ:
Ձիուս կեսերը կպան իրար, իսկ դափնու ճյուղերը նրա մարմնի մեջ արմատներ արձակեցին և մի ամսից հետո թամքի վրա դափնու ճյուղերից մի լավ տաղավար ունեցա:
Այդ տաղավարի մեջ նստած, ես շատ զարմանալի քաջագործություններ կատարեցի:
Հարցեր և առաջադրանքներ
1. Դու՛րս գրիր անծանոթ բառերն ու օնլայն բառարանի օգնությամբ բացատրի՛ր։
Անծանոթ բառ չկա։
2. Ձիու անունից համառոտ պատմի՛ր «Կես ձին»:
Ինձ կիսեցին։ Հետո ես գնացի ջուր խմելու, բայց չէի կշտանում, որովհետև ետևս չկար։ Վերջում իմ ետևը կարեցին ինձ։
3. Ձիերի մասին 5-10 փաստ առանձնացրո՛ւ և որևէ ձևով (ռադիոնյութ, տեսանյութ, սալիկահանդես) ներկայացրո՛ւ բլոգումդ:
Փաստ 1. Ձիերը կարող են քայլել և վազել ծնվելուց ընդամենը մի քանի ժամ հետո։
Փաստ 2. Տնային ձիերը սովորաբար ապրում են մոտ 25 տարի:
Փաստ 3. Այնուամենայնիվ, ամենատարեց տնային ձին Older Բիլլին էր, որը մահացավ 62 տարեկան հասակում:
Փաստ 4. Գոյություն ունի ձիու 160 ցեղատեսակ, որոնց մեջ ամենամաքուրը համարվում է արաբականը:
Փաստ 5. Ձիու տեսադաշտը գրեթե ամբողջական շրջան է, նա կարող է առանց գլուխը թեքելու տեսնել, թե ինչ է կատարվում իր թիկունքում, և, բացի դրանից, լավ են տեսնում մթության մեջ:
4. Գտի՛ր բառեր, որոնցից կարող ես գործողություն ցույց տվող բառեր ստանալ.
Օրինակ՝ նկար-նկարել, խոսք-խոսել, սեր-սիրել, գործ-գործել, միտք-մտածել։
5. Նշված ընդարձակ նախադասությունները դարձրո՛ւ համառոտ, համառոտները՝
ընդարձակ:
Բայց հանկարծ իմ հետևից ջրի արտասովոր ձայն լսեցի։
Ձայն լսեցի։
Ես ապշեցի։
Ես ապշեցի, երբ տեսա, որ գայլը խոսում է։
Արածում է։
Այծը հանգիստ արածում է սիրուն, կանաչ դաշտում։
Նա կանաչ դաշտում հանգիստ արածում էր։
Նա արածում էր։
6. Տրված բառակապակցությունները գրի՛ր մեկ բառով:
Օրինակ՝ կարուձև անող արհեստավոր-դերձակ
Ձիերի խումբ – երամակ
Որս անող մարդ – որսորդ
Բույսով կերակրվող – բուսակեր
Ձիու ձագ – քուռակ
Հրաման տալ – հրամայել
Կենդանիներ բուժող մարդ – անասնաբույժ