Հայր Բոնամիի հեքիաթը
Հայր Բոնամին գիտեր-չգիտեր, ընդամենը մի հեքիաթ գիտեր: Ամեն օր նա այդ հեքիաթն
էր պատմում և այնքան էր պատմել, որ բոլորս արդեն անգիր էինք արել: Հեքիաթը
որսորդների մասին էր և այնքան զվարճալի էր, որ լսողը ծիծաղից թուլանում էր:
Ահա այդ հեքիաթը. Լինում են, չեն լինում, երկու որսորդ են լինում: Օրերից մի օր,
սովորականի պես, շներին առաջ են անում ու գնում որսի: Էս շներից մեկը սատկած է
լինում, մյուսի բերանում էլ իսկի շունչ չի լինում: Գնում են, գնում, հասնում են մի անտառ:
Էս անտառում ոչ ծառ է լինում, ոչ էլ թուփ: Հանկարծ դիմացի թփից մի նապաստակ է
դուրս գալիս, կանգնում որսորդների առաջ, բայց սրանք ոչ մի նապաստակ էլ չեն
տեսնում: Թր՜ըխկ, թր՜ըխկ… Կրակում են, նապաստակին սպանում, ուրախանում:
Ու շվարում կանգնում են. չգիտեն, թե ինչ անեն:
– Հասկացա՜,- բացականչում է նրանցից մեկը: – Հրե՜ն, էն դղյակը տեսնո՞ւմ եք, գնանք
այնտեղ:
Գնում են: Մոտենում են թե չէ՝ տեսնում են դղյակի պատերի բոլոր քարերը դես ու դեն են
շաղ տված. դղյակ մի ասա, մի ավերակ ասա:
Թա՜կ, թա՜կ… Թակում են դղյակի դուռը, հետն էլ գոռում՝ «Ա՜յ մարդ, դուռը բաց արա, մենք
գիտենք, որ դու կաս, բայց հիմա այդտեղ չես»:
Դուռը բացում է մի մորուքավոր: Էս մորուքավորի մորուքը էնքան երկար է լինում, որ
մինչև գետին էր հասնում: Բայց մորուքի մեջ ոչ մի մազ չի լինում:
– Ի՞նչ եք ցանկանում, բարի պարոններ,- հարցնում է նա:
– Մի նապաստակ ենք սպանել, ուզում ենք տապակել, բայց նապաստակ չունենք:
– Ի՜նչ եք ասում,- պատասխանում է մարդը: – Դե լավ, նե՜րս համեցեք: Ես էլ մի մեծ
կաթսա ունեմ: Կաթսաս անտակ է, տակն էլ տակից պոկված է: Բայց ոչինչ, նապաստակը
բերեք, կկտրատենք, կլցնենք մեջը: Մսի կտորները կթափվեն, մսաջուրը կմնա:
Այսպես, ամեն օր, հայր Բոնամին մեզ պատմում էր իր այս հեքիաթը, և դա շատ
զվարճալի էր:
Հարցեր և առաջադրանքներ
1. Հեքիաթից դուրս գրի՛ր անծանոթ բառերն ու օնլայն բառարանի օգնությամբ
բացատրի՛ր:
Անծանոթ բառ չկա։
2. Ինչի՞ մասին էր Հայր Բոնամիի հեքիաթը:
Մի մարդու, որը մի հեքիաթ գիտեր ու ամբողջ օրը բոլորին այդ հեքիաթն էր պատմում։
3. Նշված բառերն ու արտահայտությունները փոխարինի՛ր ուրիշ բառերով ու
արտահայտություններով:
Հայր Բոնամին մի ծիծաղելի պատմություն գիտեր:
Որսորդները ապշել ու ելել էին պալատի մոտ:
Նրանք տուկ-տուկ տվեցին փլուզված պալատի դուռը:
4. Հայր Բոնամիին կարո՞ղ ես նկարագրել:
Նա ձանձրալի էր, որովհետև նույն բանն էր անընդհատ պատմում։
5. Սուտլիկ որսկանն ի՞նչ կասեր, եթե լսեր հայր Բոնամիի հեքիաթը:
Արտագրիչնե՛ր, իմ հեքիաթն ինչո՞ւ եք գողացել։
6. Հորինի՛ր.
Լինում է, բայց չի լինում մի պառավ է լինում, որն ամբողջ օրն աշխատում է։ Այնքան է աշխատում, որ դառնում է միլիարդատեր։ Բայց գլուխը կորցնում է, ամբողջ փողը վարի է տալիս ու աղքատ մարդ է դառնում։